Այսօր: Հինգշաբթի, 28 Մարտի 2024թ.
Փարաքարի համայնքապետարանի պաշտոնական կայք
Հյուրերի քանակը՝ 1
ՀՀ ԱՐՄԱՎԻՐԻ ՄԱՐԶԻ ՓԱՐԱՔԱՐ ՀԱՄԱՅՆՔ
ԶԼՄ-ները մեր մասին
 
22/08/2012
Փարաքարի ալերգիան «սիրուն չի». Տեսանյութ

Փարաքարի գյուղապետ Սամվել Վարդանյանը համայնքի դժգոհությունների վերաբերյալ բազմաթիվ նամակներ է հղել մարզպետին, վարչապետին, փոխվարչապետին: Գյուղացիները նաև դիմել են նախագահին: Մի քանի անգամ եկել են տարբեր գերատեսչություններից, ուսումնասիրել են Փարաքարում իրավիճակը, և վերջերս գյուղապետը շատ զարմանալի մի նամակ է ստացել քաղաքաշինական պետական տեսչությունից. «Ինչ վերաբերվում է բնակելի շենքերում առաջացած ճաքերին, ապա անհրաժեշտ է դիմել փորձաքննություն անցկացնելու և դրանց տեխնիկական վիճակի վերաբերյալ եզրակացություն ստանալու համար»,- նշված է Քաղաքաշինական պետական տեսչության պաշտոնական նամակում: Արմավիրի մարզպետին ուղղված նամակում փարաքարցիները դրել են հետևյալ պահանջները. 1. Միջոցներ ձեռնարկել կանխարգելելու վերոհիշյալ՝ մարդու և շրջակա միջավայրի համար վտանգավոր իրավիճակը 2. Նշված պայմանների ապահովման անհնարինության դեպքում դադարեցնել ընդերքի շահագործումը: Գյուղապետի և ավագանու հետ զրույցում տեղեկացանք, որ Փարաքար համայնքում ոչ մի հանրային լսումներ տեղի չեն ունեցել, ինչը օրենսդրության խախտում է համարվում: Գյուղապետ Սամվել Վարդանյանը պատմեց, որ «ինչ-որ բանկից մի աղջիկ էր եկել, խոսեցին մեզ հետ, հավաստիացրեցին, որ մեր համայնքը ոչ մի բանից չի տուժելու, միայն շահելու է, աշխատատեղեր են բացվելու»: Հիշեցնենք, որ Փարաքարում երեխաների մոտ արդեն սկսվել են ալերգիայի նշաններ, հանքի պայթեցումներից բնակելի շենքերը ճաքճքել են, բուսականությունը չորացել է: Մանկաբույժի հետ զրույցում տեղեկացանք որ նա ստացել է բազմաթիվ ահազանգեր, մի քանի երեխայի տվյալներ ուղարկված է Արաբկիր բժշկական կենտրոն՝ պարզելու ալերգիայի բուն պատճառները, չնայած որ ծնողները համոզված են՝ ալերգիան գիպսի փոշուց է:

Lragir.am
http://lragir.am/armsrc/country70040.html

ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
Հայաստան, ԱՐՄԱՎԻՐ, ՓԱՐԱՔԱՐ, ՆԱԻՐԻ Փ., 42, 1149
6-00-42, 060-53-00-42
info@parakar.am
Պաշտոնական էլ. փոստ` 53052280@e-citizen.am
(միայն www.e-citizen.am համակարգով ծանուցումների համար)



© 2008 - 2024 Հեղինակային իրավունքները պաշտպանված են
«ՓԱՐԱՔԱՐԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄ» Համայնքային կառավարչական հիմնարկ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2090
ԲԿԳ Մրցանակ 2015 - OGP Award 2015
2015 Regional Winner