Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության հողային օրենսգրքի 66-րդ հոդվածով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, հիմք ընդունելով քաղաքացի Գոհար Հայրապետի Գևորգյանի լիազորված անձ՝ Տ. Շչեդրինայի /հիմք՝ 2021 թվականի օգոստոսի թիվ 3234 լիազորագիրը/ կողմից 05.05.2022 թ. վճարված՝ հողամասի կադաստրային արժեքի վճարման անդորրագիրը և այն հանգամանքը, որ Հայաստանի Հանրապետության Արմավիրի մարզի Փարաքար համայնքի Փարաքար գյուղի Մեքենագործների փողոցի 2-րդ նրբ. 3 ավտոտնակ հասցեում գտնվող հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի կազմում. որոշում եմ՝
1. Հայաստանի Հանրապետության Արմավիրի մարզի Փարաքար համայնքի Փարաքար գյուղի Մեքենագործների փողոցի 2-րդ նրբանցք N 3 ավտոտնակ հասցեում գտնվող, Գոհար Հայրապետի Գևորգյանի անվամբ 1998թ. փետրվարի 9-ին գույքագրված, 0.0023 հա մակերեսով գույքի /ավտոտնակի/ զբաղեցրած հողամասն օտարել ուղղակի վաճառքի միջոցով` կադաստրային արժեքով` 1 քմ 10513.8 դրամով` ընդհանուր 241817.4 (երկու հարյուր քառասունմեկ հազար ութ հարյուր տասնյոթ դրամ չորս լումա) ՀՀ դրամ:
2. Գ. Գևորգյանի հետ կնքել հողամասի առուվաճառքի պայմանագիր:
3. Ընդունել ի գիտություն, որ առուվաճառքի պայմանագրից ծագող իրավունքը ենթակա է պետական գրանցման անշարժ գույքի պետական ռեգիստրի համապատասխան ստորաբաժանումում:
4. Ուժը կորցրած ճանաչել Հայաստանի Հանրապետության Արմավիրի մարզի Փարաքար համայնքի ղեկավարի 2022 թվականի մայիսի 4-ի «Փարաքար համայնքի բնակիչ Գոհար Հայրապետի Գևորգյանի սեփականությունը հանդիսացող ավտոտնակի զբաղեցրած 0.0023 հա հողամասի նկատմամբ վարձակալության իրավունքի վերականգնման մասին» թիվ 111-Ա որոշումը:
5. Գույքի հասցեն թողնել անփոփոխ՝ ՀՀ Արմավիրի մարզ, Փարաքար համայնք, գյուղ Փարաքար, Մեքենագործների փողոց 2-րդ նրբանցք N 3 ավտոտնակ:
6. Սույն որոշումն ուժի մեջ է մտնում ընդունման պահից: