Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 10-րդ, 11-րդ կետերով, 13-րդ կետի ա) և բ) ենթակետերով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, նկատի ունենալով, որ հողամասն ընգրկված չէ Հայաստանի Հանրապետության հողային օրենսգրքի 60-րդ հոդվածի սահմանափակումների կազմում, կառույցի պահպանումը չի խախտում այլ անձանց իրավունքները, օրենքով պահպանող շահերը, վտանգ չի սպառնում քաղաքացիների կյանքին և առողջությանը, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, հիմք ընդունելով «ԹԻՎ 28 ՇՄՇ» բաց բաժնետիրական ընկերության կողմից 2024 թվականի հունվարի 30-ին տրված շենքի տեխնիկական վիճակի վերաբերյալ եզրակացությունը, Հայաստանի Հանրապետության Կադաստրի կոմիտեի կողմից 2024 թվականի մարտի 6-ին տրված անշարժ գույքի նկատմամբ իրավունքների պետական գրանցման N 06032024-04-0093 վկայականը, հողամասի սեփականատեր Ռազմիկ Տիգրանի Սաֆարյանի 2024 թվականի մարտի 13-ի N 1553 և N 1554 դիմումները. որոշում եմ՝

1. Օրինականացնել Հայաստանի Հանրապետության Արմավիրի մարզի Փարաքար համայնքի Փարաքար գյուղում գտնվող Ռազմիկ Տիգրանի Սաֆարյանին սեփականության իրավունքով պատկանող 04-094-0134-0006 կադաստրային ծածկագրով բնակավայրերի նպատակային նշանակության բնակելի կառուցապատման գործառնական նշանակության հողամասի վրա կառուցված 17,57 քառակուսի մետր արտաքին մակերեսով բնակելի տունը, 1,8 քառակուսի մետր արտաքին մակերեսով օժանդակ շինությունը, 7,37 քառակուսի մետր մակերեսով ծածկը, 7,16 քառակուսի մետր մակերեսով պարիսպը և մեկ ինքնակամ բացված պատուհանը, համաձայն համապատասխան որակավորում ունեցող անձի՝ «ՄԵԼԿԱՐ» սահմանափակ պատասխանատվությամբ ընկերության կողմից տրված հողամասի և շինությունների հատակագծի:

2. Ինքնակամ կառույցի օրինականացման համար վճարը 1 քառակուսի մետր բնակելի տան և ծածկի համար կազմում է 2316 դրամ, 1 քառակուսի մետր օժանդակ շինության և պարսպի համար կազմում է 1389,6 դրամ, յուրաքանչյուր 1 ինքնակամ բացվածքի համար 2316 դրամ, վճարման ենթակա ընդհանուր գումարը կազմում է 72 527,86 (յոթանասուներկու հազար հինգ հարյուր քսանյոթ դրամ ութանասունվեց լումա ) Հայաստանի Հանրապետության դրամ:

3. Հողամասի կողմ 1-ին (մնացող հողամաս) 0.041 հեկտար մակերեսով հողամասին և շինությանը տալ հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Փարաքար, Գ. Լուսավորչի փողոց 9 բնակելի տուն (04999LQETB9A), նույն հողամասի կողմ 2-ին (առանձնացվող հողամաս) 0.03 հեկտար մակերեսով հողամասին տալ հասցե. Հայաստանի Հանրապետություն, Արմավիրի մարզ, Փարաքար համայնք, գյուղ Փարաքար, Զորավար Անդրանիկի փողոց 10 հողամաս (04066A89SHC7):

4. Օրինականացման համար սահմանված վճարը որոշման ընդունման օրվանից 60-օրյա ժամկետում պետք է վճարվի Հայաստանի Հանրապետության ֆինանսների նախարարության գործառական վարչության Փարաքար համայնքի 900325191154 հաշվեհամարին, չվճարելու դեպքում որոշումը համարել ուժը կորցրած:

5. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի գրանցման միասնական ստորաբաժանումում: