Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի 4-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշումով, նկատի ունենալով, որ հողամասն ընգրկված չէ Հայաստանի Հանրապետության հողային օրենսգրքի 60-րդ հոդվածի սահմանափակումների կազմում, հիմք ընդունելով <<ՀԱԲՇԻՆ ՆԱԽԱԳԻԾ>> ՍՊԸ-ի կողմից 2019 թվականի նոյեմբերի 28-ին տրված շենքի տեխնիկական վիճակի վերաբերյալ դրական եզրակացությունը, հաշվի առնելով, որ կառույցի պահպանումը չի խախտում այլ անձանց իրավունքները, օրենքով պահպանող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք և սեփականատեր Հովհաննես Կարապետի Սիմոնյանի 2019 թվականի նոյեմբերի 29-ի դիմումը. որոշում եմ՝
1. Օրինականացնել Հայաստանի Հանրապետության Արմավիրի մարզի Փարաքար գյուղում Հովհաննես Կարապետի Սիմոնյանին սեփականության իրավունքով պատկանող 04-094-051-008 կադաստրային ծածկագրով բնակավայրերի բնակելի կառուցապատման հողամասի վրա կառուցված 325.3 քառակուսի մետր և 50.1, 42.5 քառակուսի մետր ընդհանուր արտաքին մակերեսներով բնակելի տները, 2.0 քառակուսի մետր ընդհանուր արտաքին մակերեսով պարիսպը՝ համաձայն համապատասխան որակավորում ունեցող անձի՝ <<Կարեն Մաչանյան>> ԱՁ-ի կողմից տրված հողամասի հատակագծի և շինությունների բնութագրի:
2. Ինքնակամ կառույցի օրինականացման համար վճարը 1 քառակուսի մետր բնակելի տների համար՝ 2600 դրամ է, պարսպի համար 1 քառակուսի մետրի համար՝ 1560 դրամ, վճարման ենթակա ընդհանուր գումարը կազմում է 1 089 660 (մեկ միլիոն ութսունինը հազար վեց հարյուր վաթսուն) ՀՀ դրամ:
3. Հողամասին և շինությանը տալ հասցե. Հայաստանի Հանրապետության Արմավիրի մարզ, Փարաքար համայնք, գյուղ Փարաքար, Սևանի փողոց N 19/ նախկինում եղել է Արմավիրի մարզ, գյուղ Փարաքար, Սևանի N13:
4. Օրինականացման համար սահմանված վճարը որոշման ընդունման օրվանից 60-օրյա ժամկետում պետք է վճարվի Փարաքար համայնքի Հայաստանի Հանրապետության ֆինանսների նախարարության գործառական վարչության 900325191154 հաշվեհամարին, չվճարելու դեպքում որոշումը համարել ուժը կորցրած:
5. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի գրանցման միասնական ստորաբաժանումում: