Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածի 4-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշումով, նկատի ունենալով, որ հողամասն ընգրկված չէ Հայաստանի Հանրապետության հողային օրենսգրքի 60-րդ հոդվածի սահմանափակումների կազմում,  կառույցի պահպանումը չի խախտում այլ անձանց իրավունքները, օրենքով պահպանող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք,  հիմք ընդունելով <<ԽԱՉՎԱՀԱՆ>> ՍՊԸ-ի կողմից տրված շենքի տեխնիկական վիճակի վերաբերյալ դրական եզրակացությունը և սեփականատեր Սարգիս Աշոտի Առաքելյանի   2019 թվականի դեկտեմբերի  18-ի դիմումը.  որոշում եմ՝

1. Օրինականացնել Հայաստանի Հանրապետության Արմավիրի մարզի Փարաքար գյուղում Սարգիս Աշոտի Առաքելյանի սեփականության իրավունքով պատկանող 04-094-0110-0013 կադաստրային համարով բնակավայրերի բնակելի կառուցապատման հողամասի վրա կառուցված 59.5 քառակուսի մետր ընդհանուր արտաքին մակերեսով բնակելի տունը, 4.15 քառակուսի մետր ընդհանուր արտաքին մակերեսով հարթակը և 3.1 քառակուսի մետր արտաքին մակերեսով պարիսպը՝ համաձայն համապատասխան որակավորում ունեցող անձի՝ <<Պիկետ>> ՍՊԸ-ի կողմից տրված հողամասի հատակագծի և շինությունների բնութագրի: 

2. Ինքնակամ կառույցի օրինականացման համար վճարը 1 քառակուսի մետր բնակելի տան և հարթակի համար՝ 2600 դրամ է, պարսպի 1 քառակուսի մետրի համար՝ 1560 դրամ, վճարման ենթակա ընդհանուր գումարը կազմում է 170 326 (մեկ հարյուր յոթանասուն հազար երեք հարյուր քս) ՀՀ դրամ:

3. Հողամասի և շինության հասցեն թողնել անփոփոխ. Հայաստանի Հանրապետություն Արմավիրի մարզ, Փարաքար համայնք, գյուղ Փարաքար, Գ.Էմինի  փողոց N 38:

4. Օրինականացման համար սահմանված վճարը որոշման ընդունման օրվանից 60-օրյա ժամկետում պետք է վճարվի Հայաստանի Հանրապետության ֆինանսների նախարարության գործառական վարչության Փարաքար համայնքի 900325191154 հաշվեհամարին, չվճարելու դեպքում որոշումը համարել ուժը կորցրած:

5. Սույն որոշումից բխող գույքային իրավունքները ենթակա են գրանցման Հայաստանի Հանրապետության կադաստրի կոմիտեի անշարժ գույքի գրանցման միասնական ստորաբաժանումում: